MKONGWE ndani ya muziki wa bongo fleva Banana Zorro, ameuambia mtandao wa DarTalk, kuwa siku chache zijazo ataachia audio na video ya ngoma yake mpya inayokwenda kwa jina la ‘Sijaona’, ambayo amefanya na msanii mahiri wa miondoka ya R&B Nurueli.

Banana alisema kuwa ngoma hiyo inahusiana na mahaba hivyo anaamini itakuwa suluhisho tosha kwa watanzania ambao siku zote wamekuwa wakiumizwa na mapenzi hasa na mashabiki wake ambao ndiyo walengwa wakubwa wa kazi zake.

Alisema ameamua kufanya collabo na msanii Nurueli katika kibao chake kwani anaamini kipaji chake na uwezo wake wa kuimba ni mkubwa na unaweza kukipa chati kubwa kibao chake hicho.

“Katika ngoma yangu hii nimeamua kumpa shavu ndugu yangu huyo kwa sababu najua kiwango chake, hivyo nawasihi mashabiki wangu ikitoka ngoma hii waone na watoe mawazo yao,” alisema.

Hata hivyo aliongeza kuwa baada ya kazi hii kwenda sokoni atakuwa katika harakati za kutengeneza ngoma nyingine ingawa hadi sasa bado hajaipa jina lakini atafanya na wasanii wawili ambao ni Barnaba na Amini.