Mwana FA ataja wasanii ambao hana mpango wa kufanya nao kazi kwa sasa

Rapa Mwana FA ambaye kwa sasa anafanya vyema na ngoma yake ‘Dume Suruali’ amefunguka na kuweka wazi kuwa hana mpango kwa sasa kufanya kazi na wasanii kama Lady Jaydee, Prof Jay, Juma Nature na wengine wengi.

mwanafa

Mwana FA alisema haya kupitia kipindi cha Planet Bongo ya East Africa Radio na kusema kwa sasa hana mpango wa kufanya kazi na wasanii wengi tu lakini kutofanya nao kazi haina maana kuwa ana matatizo nao.

“Kwa sasa sina mpango wa kufanya kazi na Lady Jaydee, harafu hili swali limekuwa likijirudia sana sina mpango wa kufanya kazi na Prof Jay, Juma Nature na wasanii wengine wengi tu, lakini sina tatizo nao na wala sina tatizo na yoyote kati yao” alisema Mwana FA

Mbali na hilo Mwana FA anasema anafurahi kuona muziki wa hip hop nchini sasa umegeuka na kufanya vizuri zaidi kuliko hata ngoma za wasanii wa kuimba na kusema hiyo ni dalili kuwa wanamuziki wa hip hop wamegundua sehemu walipokuwa wakikosea.

Video: Fid Q – KEMOSABE

Fid Q explores the theme of LOYALTY intricately using the native American term- KEMOSABE which was made popular by the 80′s TV series LONE RANGER. The subtle & clever sarcasm in addressing the DISLOYALTY in the game can easily be missed by the less observant.. FOREVER LOYAL.. KEMOSABE indeed!!

Madee ajibu mashambulizi ya Nay wa Mitego

Msanii wa Bongo fleva kutoka kitaa cha Manzese ambaye ndiye anayetambulika kama Rais wa Manzese, Madee, amemchana mwenzake kutoka kitaa hicho, Nay wa Mitego kwamba hana uwezo wowote kweny muziki

madee

Madee ndani ya FNL

Madee akiwa kwenye kipindi cha FNL cha EATV ambacho huruka LIVE kila Ijumaa Saa 3:00 usiku, aliamua kujibu mashambulizi ya Nay kwa kumrushia makombora mazito kutokana na Nay kudai kuwa ngoma mpya ya Madee ni ya kichovu na kwamba imeonesha ni jinsi gani Madee hana uwezo wa kuandika.

Katika majibu yake, Madee ambaye alikuwa akitambulisha kwa mara ya kwanza video ya ngoma hiyo ya ‘Hela’ alisema hata yeye haijui wala hajaisikia ngoma mpya ya Nay inayokwenda kwa jina la ‘Sijiwezi’ na kusema “Hiyo ngoma yake mpya siijui, wala sijaisikia maana nilikuwa nilikuwa nje muda mrefu….”

Baada ya kauli hiyo, ilibidi agongewe ngoma hiyo muda huohuo na DJ Summer ambaye ndiye aliyekuwa kwenye ‘mashine’, jambo la kushangaza, baada ya Madee kuisikia ngoma hiyo, aliiponda na kusema ni mbaya sana na haina hadhi ya kuimbwa na msanii mkubwa maana ni kama uchafu.

“Huo wimbo nausikia kama wa zamani sana, kama wa underground flani hivi, Sitaki kusikilizishwa tena huo uchafu” Alisema Madee
Madee alisisitiza kuwa ngoma pekee ambayo ni nzuri kutoka kwa Nay, ni ile aliyoimba na Diamond (Muziki Gani) kwa kuwa aliimba na Diamond na pia aliiga mawazo yake Madee.

nay

Nay wa Mitego

“Nafurahi sana nyimbo yangu ilipotoka tu siku ya kwanza akaisikia… ya kwake ya mwisho mimi kuiskia ni ile aliyoimba na Diamond, ile ndiyo nzuri, ndiyo ninayoipenda kwa sababu aliiga idea yangu ya ku’change’ style” Katika hatua nyingine, Madee alisema yuko tayari kufanya kolabo na Nay endapo atahitaji.

Huo ni mwendelezo wa vita mpya kati ya mafahari hao wawili wa manzese, iliyoanza pale Nay wa MItego aliposikilizishwa ngoma mpya ya Madee ‘Hela’ kupitia Planet Bongo ya EA Radio na kuiponda huku akitaka Madee asaidiwe na Rayvanny kuandika mashairi.

Flora Mbasha atangaza kuachana na albam

Msanii wa nyimbo za Injili Madam Flora (Zamani: Flora Mbasha) amesema mwaka huu utakuwa ni wa mwisho kwake kutoa albam na kwamba atakuwa anaachia single nyingi ili aweze kuwapatia mashabiki zake nyimbo nyingi mara kwa mara.

mbasha

Utaratibu wa albam umepotea kwa muda mrefu katika tasnia ya burudani nchini (Tofauti na muziki wa injili) kwa madai kuwa hazina soko, licha ya baadhi ya wasanii hivi sasa likiwemo kundi la Navy Kenzo na Ditto kutangaza kuanza kuurejesha taratibu kwa kutoa albam zao mwaka huu.

Akiongea kupitia eNewz Flora amesema kuwa hiyo ndiyo ‘plan’ yake kwa miaka ijayo huku akitaka mashabiki wanamuona kuwa amekuwa kimya kwa muda mrefu kutambua kuwa muziki wa Injili upo tofauti na muziki wa bongo fleva ndiyo maana inakuwa rahisi kwa wasanii wa bongo fleva kuachia nyimbo mara kwa mara.

Amesema nyimbo za Injili zinahitaji kuwa na muda wakutosha na kumuomba Mungu ili akupatie mashairi mazuri yenye ujumbe ukisema ukurupuke na kuachia nyimbo kila siku utajikuta unatoa albamu nyingi lakini hit song ni moja na nyimbo nyingine zinasindikiza.

“Ndoa isiyo na afya haifai” – Lady Jay Dee

Msanii wa muziki wa bongo fleva Lady Jaydee amefunguka na kusema wanawake wengi wanaogopa kuanza maisha mapya ya mahusiano kwani wengi wao wanashindwa kuondoka kwenye ndoa zao ambazo hazina afya.

jaydee

Lady Jaydee alisema hayo kupitia kipindi cha Wanawake Live kinachorushwa na EATV na kusema wanawake wengi wanashindwa kufanya maamuzi kwa sababu hawajiamini na wanaogopa kwenda kuanza maisha mapya.

“Wanawake wengi wanashindwa kutoka kwenye mahusiano kwenye ndoa zisizo na afya ni kutokana na wao kutojiamini, kwanza si jambo rahisi sana kama umekaa na mtu muda mrefu harafu uamue tu kuwa unaondoka, ni kwamba kuna maisha ambayo mmejenga pamoja kwa hiyo unapoondoka unakwenda kuanza maisha mapya, watu wengi lile suala la kwenda kuanza maisha mapya ndiyo huwa wanaliogopa” alisema Lady Jaydee.

Mbali na hilo Lady Jaydee anadai licha ya watu wengi kuogopa kuanza maisha mapya lakini yeye aliamua kufanya maamuzi ya kusonga mbele kwani hakuhitaji kubaki kwenye mahusiano ambayo kwake yalikuwa hayana faida yoyote.

Wolper Awatolea Povu Mastaa Wenzake, Adai ni Washamba..Kisa hiki hapa…!!

STAA wa filamu za Bongo, Jackline Wolper, amesema sasa hivi ameamua kuanza maisha ya kistaa kwa kutoanika mambo yake binafsi kwenye mitandao ya kijamii, kwani aliyokuwa anafanya mwanzo ilikuwa ni ushamba.

wolper

Akizungumza , Wolper alisema kwa muda mrefu ameishi maisha ya kishamba kwa kuanika mambo yake binafsi kwenye mitandao badala ya kuitumia kutangaza kazi zake za filamu.

“Kiukweli sasa nimeelimika na nimejijua kama mimi ni staa na ninapaswa kuishi kistaa, sitarusha chochote kile kinachohusu maisha yangu kwenye mitandao ya kijamii,” alisema Wolper.

Msanii huyo alisema mastaa wa Kibongo wamekuwa washamba na mitandao hiyo kwani wameshindwa kuitumia kibiashara kama wanavyofanya wenzao kutoka nchi nyingine duniani.

Alichokisema Martin Kadinda Juu ya Tabia za Wema Sepetu

ALIYEKUWA Meneja wa Mrembo wa Miss Tanzania 2006, Wema Sepetu, Martin Kadinda, amempongeza mwanadada huyo kwa kubadilisha mfumo wa maisha yake.

wemasepetu

Akizungumza jana, Martin alisema kitendo cha Wema kufuta picha zake kwenye mitandao ya kijamii na kubadili tabia za kuweka wazi maisha yake ni hatua ya kupongezwa.

“Uamuzi alioufanya Wema ni hatua nzuri na ya kupongezwa, mimi na familia yake hatukuwa tukipendezwa nayo kwa kuwa ilikuwa ikichafua jina lake,” alieleza Martin.

Martin aliongeza kwamba Wema ambaye amebadili meneja kwa sasa, amekuwa tofauti na alivyozoeleka maana amekuwa muelewa na msikivu kwa anachoelekezwa.